«Азия далаларының биологиялық әртүрлілігі» V халықаралық ғылыми конференциясына өтінім қабылдау басталды
2027 жылғы 23 сәуірде Қостанай қаласында «Азия далаларының биологиялық әртүрлілігі» атты V халықаралық ғылыми конференция өтеді.
Конференцияны Ахмет Байтұрсынұлы атындағы Қостанай өңірлік университеті, Өмірзақ Сұлтанғазин атындағы педагогикалық институт, Жаратылыстану пәндері кафедрасы және Экология және биология мәселелері ғылыми-зерттеу орталығы (ЭБМ ҒЗО) ұйымдастырады.
Конференцияға ғылыми қызметкерлер, жоғары оқу орындарының оқытушылары, ерекше қорғалатын табиғи аумақтардың мамандары, экологтар, педагогтер, докторанттар, магистранттар мен студенттер, сондай-ақ Еуразияның дала аймағы табиғатын зерттеу және сақтау мәселелеріне қызығушылық танытатын барлық мамандар шақырылады.
Конференцияның негізгі бағыттары:
- Дала аймағының флорасы мен өсімдік қауымдастықтары (далалық, орманды және сулы-батпақты экожүйелер).
- Жануарлар дүниесі (орманды дала, дала және шөл экожүйелері).
- Флора мен фаунаның сирек кездесетін түрлері. Ерекше қорғалатын табиғи аумақтар.
- Білім беру жүйесіндегі табиғатты зерттеу және сақтау мәселелері.
Қатысу форматтары:
- Пленарлық отырыста баяндама жасау (20 минут);
- Секциялық отырыста ауызша баяндама жасау (10 минут);
- Ғылыми мақаланы жариялау арқылы қатысу.
Конференцияға қатысу күндізгі, қашықтан (онлайн) және сырттай форматтарда жүзеге асырылады. Жұмыс тілдері: қазақ, орыс және ағылшын.
Қашықтан қатысу Zoom онлайн платформасы арқылы ұйымдастырылады. Конференцияға қосылу сілтемесі мен қажетті деректер мақалалар қабылданғаннан кейін қатысушыларға жіберіледі.
Конференция қорытындысы бойынша қатысушылардың ғылыми мақалалар жинағы (ISBN) басылып шығарылады және РИНЦ жүйесінде орналастырылады. Әрбір авторға жеке сертификат пен конференция материалдарының PDF нұсқасы беріледі.
Маңызды мерзімдер:
- 20.01.2027 дейін – ғылыми мақалалар мен өтінімдерді қабылдау;
- 01.02.2027 дейін – материалдардың қабылданғаны туралы хабарлау;
- 23 сәуір 2027 жыл – конференцияның өткізілуі.
Қатысу шарттары
Конференцияға қатысу үшін ғылыми мақала, қатысушының өтінімі және ұйымдастыру жарнасының төленгенін растайтын құжаттың электрондық көшірмесін ұйымдастыру комитетінің электрондық поштасына жіберу қажет.
Ұйымдастыру жарнасы – 3000 теңге немесе 500 рубль. Алыс шетелдерден қатысушылар үшін конференцияға қатысу тегін.
Өтетін орны: Қазақстан Республикасы, Қостанай қаласы, Тәуелсіздік көшесі, 118.
Материалдарды қабылдау және байланыс:
E-mail: bio-asia2027@mail.ru
Барлық зерттеушілер мен мамандарды Азия далаларының биологиялық әртүрлілігін зерттеу және сақтау бағытындағы ғылыми тәжірибелерімен бөлісуге шақырамыз!
